ဦးသိန်းစိန် အစိုးရ

ယခင်တပ်မ​တော်အစိုးရ၏ဝန်ကြီးချုပ်ဖြစ်​သော ဦးသိန်းစိန်သမ္မတဖြစ်လာကာ ဒုသမ္မတ၂ဦး ဝန်ကြီး၃၀ဦး ဝန်ကြီးဌာန ၃၅ခုဖြင့်အစိုးရဖွဲ့စည်းခဲ့သည်။[1]အများစုမှာတပ်မတော်မှ ယခင်​ခေါင်း​ဆောင်များဖြစ်သည်။ ကဏ္ဍများစွာတွင်သိသာစွာပြောင်းလဲလာခဲ့ပြီး မြန်မာပြည်၏ ဒီမိုက​ရေစီအစပင်ဖြစ်သည်။ စစ်အစိုးရနောက်ပိုင်း သိသာစွာနိုင်ငံတကာနှင့် ပြန်လည်နီးစပ်ခဲ့သည်။၂၀၁၅ခုနှစ်​​ရွေးကောက်ပွဲတွင်ရှုံးနိမ့်သွားသည့်အတွက် ​ဒီမိုက​ရေစီ​နောက်​ကြောင်းပြန်လှည့်မည်ကိုပြည်သူများစိုးရိမ်ကြ​သော်လည်း ​အနိုင်ရပါတီကို ​ငြိမ်းချမ်းစွာ အာဏာလွှဲခဲ့သည်။

၂၀၁၁ခုနှစ် မတ်လ ၃၀ရက်နေ့တွင် ဦးသိန်းစိန် ခန့်အပ်သောအစိုးရအဖွဲ့ ပြည်ထောင်စုလွှတ်တော်၌ ကျမ်းသစ္စာ ဆိုခဲ့သည်။[2] ဝန်ကြီးဌာန ၄ ခုဖြစ်သည့် ကာကွယ်ရေး၊ ပြည်ထဲရေး၊ နိုင်ငံခြားရေးနှင့် နယ်စပ်ရေးရာတို့ကို တပ်ချုပ်ကြီး သန်းရွှေ၊ (ဗိုလ်ချုပ်မှူးကြီး)မှ ခန့်အပ်ခဲ့သည်။[3] သမ္မတရုံးနှင့် စက်မှုဖွံ့ဖြိုးရေးဝန်ကြီးဌာန ကို ဖေဖော်ဝါရီ ၉ ရက်၌ဖွဲ့စည်းခဲ့သည်။[3]

အဓိက ဝန်ကြီးများမှာ ကြံ့ခိုင်ရေးနှင့် ယခင် နအဖ အစိုးရမှ ဗိုလ်ချုပ်များဖြစ်ကာ ၄ ဦးမှာ အရပ်သားဖြစ်သည်။[4] ၁၂ ယောက်မှာ ယခင် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီအစိုးရ (နအဖ) ဝန်ကြီးများဖြစ်ကာ၇ယောက်မှာ ဒုဝန်ကြီးများဖြစ်သည်။ ၃ ယောက်မှာ တပ်မတော် ခေါင်းဆောင်များဖြစ်သည်။ [5]

၂၀၁၃ အရှေ့တောင်အာရှအားကစားပြိုင်ပွဲ ဖွင့်ပွဲအခမ်းအနား

၂၀၁၁

• စက်တင်ဘာ ၃၀(မြစ်ဆုံဆည်)– စက်တင်ဘာ ၃၀ တွင် နိုင်ငံတော် သမ္မတ က ၎င်းတို့အစိုးရလက်ထက်တွင် မြစ်ဆုံ စီမံကိန်းအား ရပ်နားထားမည်ဖြစ်ကြောင်း ပြည်ထောင်စုလွှတ်တော်သို့ သဝဏ်လွှာ ပို့ခဲ့သည်။[19]
• အမေရိကန် နိုင်ငံခြားရေးဝန်ကြီး ဟီလာရီ ကလင်တန် လာရောက်ခြင်း (ဒီဇင်ဘာ ၁) – အမေရိကန် နိုင်ငံခြားရေးဝန်ကြီး ကလင်တန်သည် နေပြည်တော်သို့ လာရောက်ကာ အစိုးရအဖွဲ့ခေါင်းဆောင် ဦးသိန်းစိန်နှင့် တွေ့ဆုံခဲ့သည်။ နှစ် ၅၀ အတွင်း မြန်မာပြည်သို့ အမေရိကန် နိုင်ငံခြားရေးဝန်ကြီး တစ်ဦး ပထမဆုံးလာရောက်ခြင်းဖြစ်သည်။

၂၀၁၂

• မြန်မာနိုင်ငံ ၂၀၁၂ ကြားဖြတ်ရွေးကောက်ပွဲ (ဧပြီ ၁) – ရွေးကောက်ပွဲကော်မရှင်သည် ကြားဖြတ်ရွေးကောက်ပွဲကိုကျင်းပခဲ့ပြီး အတိုက်အခံခေါင်းဆောင် အောင်ဆန်းစုကြည် နှင့် သူ၏ပါတီအား လွှတ်တော် အတွင်းဝင်ရောက်စေနိုင်ခဲ့သည်။
• ကုလ ညီလာခံ၌ မိန့်ခွန်းပြောခြင်း (၂၇ စက်တင်ဘာ)- ဦးသိန်းစိန်သည် ၆၇ ကြိမ်မြောက် ကုလသမဂ္ဂ အထွေထွေညီလာခံတွင် မိန့်ခွန်းပြောခဲ့သည်။ [20]
• ဘာရက် အိုဘားမား လာရောက်ခြင်း(နိုဝင်ဘာ ၁၉)– အမေရိကန်နိုင်ငံ သမ္မတ ဘာရက်အိုဘားမားသည် ရန်ကုန်သို့ တစ်ရက်ကြာလာရောက်ခဲ့ပြီး ဦးသိန်းစိန်နှင့် ရန်ကုန်တိုင်းဒေသကြီး လွှတ်တော်၌ တွေ့ဆုံခဲ့သည်။ သူသည် မြန်မာနိုင်ငံသို့ လာရောက်သော ပထမ ဆုံး အမေရိကန်သမ္မတ ဖြစ်လာသည်။

၂၀၁၃

• ၂၇ကြိမ်မြောက်အရှေ့တောင်အာရှအားကစားပြိုင်ပွဲ – အစိုးရအဖွဲ့ သည် ၂၇ ကြိမ်မြောက် အရှေ့တောင်အာရှအားကစားပြိုင်ပွဲကို ခမ်းနားစွာကျင်းပခဲ့သည်။ ၎င်းပွဲသည် ၁၉၆၉ ခုနှစ် ပဉ္စမအကြိမ်မြောက် အရှေ့တောင်အာရှ ကျွန်းဆွယ်အားကစားပြိုင်ပွဲ အပြီး ၄၄ နှစ်အကြာမှ ပြန်လည်ကျင်းပခြင်းဖြစ်သည်။နေပြည်တော်၊ရန်ကုန်၊မန္တလေးနှင့် ငွေဆောင်၌ကျင်းပခဲ့သည်။ ဒီဇင်ဘာလ ၁၁ ရက်နေ့၌ ဖွင့်ပွဲအခမ်းအနားနှင့် ၂၂ ရက်နေ့၌ ပိတ်ပွဲအခမ်းအနား တို့ကို လှပသော မီးပန်းများ၊ အဆင့်မြင့် နည်းပညာများ၊ သုံးဖက်မြင် စတိတ်စင်၊ များပြားလှသော လုပ်အားပေးမောင်မယ်တို့၏ ပုံဖော်မှုများဖြင့် ကြီးကျယ်ခမ်းနားလှပစွာ ကျင်းပခဲ့သည်။ ၎င်းပွဲများသည် မြန်မာ့သမိုင်း၌ အကြီးကျယ်ဆုံးသောပွဲများ ဖြစ်သည်။

၂၀၁၄

• ၇ ကြိမ်မြောက် အာဆီယံမသန်စွမ်း အားကစားပြိုင်ပွဲ– ၂၀၁၄ခုနှစ် အာဆီယံ ပါရာဂိမ်းစ်ကို ၂၇ ကြိမ်မြောက်ဆီးဂိမ်းစ် အပြီး ဇန်နဝါရီလ ၁၄ ရက်မှ ၂၀ ရက်အထိကျင်းပခဲ့သည်။
• ၉ ကြိမ်မြောက် အရှေ့အာရှနိုင်ငံများ အစည်းအဝေး (၉~၁၃ နိုဝင်ဘာ) – အစိုးရအဖွဲ့သည် ၉ကြိမ်မြောက် အရှေ့အာရှနိုင်ငံများ အစည်းအဝေးကို လက်ခံကျင်းပခဲ့သည်။
• အာဆီယံဥက္ကဋ္ဌနှင့် အစည်းအဝေးများ – အစိုးရအဖွဲ့ခေါင်းဆောင် ဦးသိန်းစိန်သည် ၂၄ ကြိမ်(၄~၅ မေ)နှင့် ၂၅ ကြိမ်မြောက် (၁၂~၁၃ နိုဝင်ဘာ) အာဆီယံ ထိပ်သီးအစည်းအဝေးပွဲကို ဥက္ကဋ္ဌအဖြစ် လက်ခံကျင်းပခဲ့သည်။ အာဆီယံခေါင်းဆောင်များသည် အာဆီယံ အသိုက်အဝန်း(၂၀၁၅) အကြို နေပြည်တော်ကြေညာချက်ကို ထုတ်ပြန်ခဲ့ကြသည်။

၂၀၁၅

• ဗိုလ်ရှုသဘင် (ဇန်နဝါရီ ၄ရက်)- နိုင်ငံတော်သမ္မတ ဦးသိန်းစိန်သည် သမ္မတ တစ်ဦး၏ သက်တမ်း၌ တစ်ကြိမ်သာ ကျင်းပသည့် ဗိုလ်ရှုသဘင်အခမ်းအနားကို ပြန်လည်ကျင်းပခဲ့သည်။
• တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ်(​အောက်တိုဘာ၁၅ရက်)- မြန်မာ့ငြိမ်းချမ်း​ရေး၏မှတ်​ကျောက်တစ်ခုဖြစ်​သောတစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ်ကိုလက်မှတ်​ရေးထိုးနိုင်ခဲ့သည်။

• ပြည်ထောင်စုအစိုးရအဖွဲ့