ပြည်ကြီးတံခွန်မြို့နယ်
ပြည်ကြီးတံခွန်မြို့နယ်သည် မန္တလေးမြို့၏ တောင်ဖက်ပိုင်းတွင် တည်ရှိပြီး မန္တလေးမြို့တော် စည်ပင်သာယာရေးကော်မတီ၏ အုပ်ချုပ်မှုတွင် ပါဝင်သောမြို့နယ် ဖြစ်သည်။ပြည်ကြီးတံခွန်မြို့နယ်တွင် မန္တလေးစက်မှုဇုန် တည်ရှိသည်။
| ပြည်ကြီးတံခွန်မြို့နယ် | |
|---|---|
| မန္တလေးမြို့၏ မြို့နယ် | |
| Pyigyidagun Township | |
 | |
 မန္တလေးခရိုင်အတွင်း တည်နေရာ | |
  ပြည်ကြီးတံခွန်မြို့နယ် | |
| ကိုဩဒိနိတ်: 21°55′0″N 96°5′0″E | |
| နိုင်ငံ |  မြန်မာ |
| တိုင်းဒေသကြီး | မန္တလေး |
| ခရိုင် | မန္တလေး |
| မြို့နယ် | ပြည်ကြီးတံခွန် |
| လူဦးရေ (၂၀၁၄) | ၂၃၇,၆၉၈ [1] |
| အချိန်ဇုန် | MST (UTC6:30) |
| ဧရိယာကုဒ်(များ) | ၂ (မိုဘိုင်း: ၆၉၊ ၉၀)[2] |
သမိုင်းကြောင်း
၁၉၉၂ခုနှစ်တွင် ပြည်ထဲရေးဝန်ကြီးဌာန၏ မန္တလေးမြို့ဖွဲ့စည်းပုံပြင်ဆင်ရေးအရ ၁၀.၁၂.၁၉၉၂တွင် ပြည်ကြီးတံခွန်မြို့နယ် ပေါ်ပေါက်လာသည်။[3]
ပထဝီဝင်အနေအထား
မြောက်လတ္တီတွဒ် ၂၁ဒီဂရီ ၅၂မိနစ် ၃၀စက္ကန့်နှင့် ၂၁ဒီဂရီ ၉၆မိနစ်အကြား၊ အရှေ့လောင်ဂျီတွဒ် ၉၆ဒီဂရီ ၀၅မိနစ် ၃၀စက္ကန့်နှင့် ၉၆ဒီဂရီ ၀၈မိနစ်အကြားတွင် တည်ရှိသည်။ အရှေ့မှ အနောက်သို့ ၂မိုင်၊ တောင်မှမြောက်သို့ ၄မိုင်ရှိပြီး ၉.၈၉စတုရန်းမိုင် ကျယ်ဝန်းသည်။
နယ်နိမိတ်
ပြည်ကြီးတံခွန်မြို့နယ်၏ အရှေ့ဘက်တွင် ပုသိမ်ကြီးမြို့နယ်၊တောင်ဘက်နှင့် အနောက်ဘက်တွင် အမရပူရမြို့နယ်၊မြောက်ဘက်တွင် ချမ်းမြသာစည်မြို့နယ်တို့ တည်ရှိသည်။[3]
မြေမျက်နှာသွင်ပြင်
ညီညာပြန့်ပြူးသော မြေပြန့်ဖြစ်ကာ ပင်လယ်ရေမျက်နှာပြင်အထက် ၂၅၆ပေတွင် တည်ရှိသည်။ပရံတော်ချောင်းသည် မြောက်မှ တောင်သို့ စီးဆင်းနေသည်။
လူဦးရေ
ချမ်းမြသာစည်မြို့နယ်တွင်နေထိုင်ကြသော တိုင်းရင်းသားလူမျိုးစုများတွင် ဗမာလူမျိုးများ အများဆုံးနေထိုင်ကြသည်။ထို့နောက် ရှမ်း၊ကရင်၊ချင်း၊ရခိုင်၊ကချင်၊မွန်၊ကယား လူမျိုးများ အစဉ်လိုက်များပြားစွာနေကြသည်။ကိုးကွယ်မှုအနေဖြင့် ဗုဒ္ဓဘာသာကို အများဆုံး ကိုးကွယ်ကာ အစ္စလာမ်၊ဟိန္ဒူ၊ခရစ်ယာန်နှင့် အခြားကိုးကွယ်သူဦးရေမှာ အစဉ်လိုက်များပြားသည်။[3]
| သမိုင်းတစ်လျှောက် လူဦးရေများ | ||
|---|---|---|
| ခုနှစ် | လူဦးရေ | ±% |
| ၂၀၁၆ | ၁၅၂၃၂၂ | — |
| ၂၀၁၇ | ၁၅၄၈၂၂ | +1.6% |
စီးပွားရေး
ပြည်ကြီးတံခွန်မြို့နယ်သည် စက်မှုဇုန်များတည်ရှိရာဖြစ်သည်။မြို့နယ်အတွင်းရှိလူများသည် ပြည်သူ့ဝန်ဆောင်မှုလုပ်ငန်းများ လုပ်ကိုင်ကြသည်။
မြို့နယ်အတွင်း စပါး၊ဟင်းသီးဟင်းရွက်၊နေကြာ စသည်တို့အနည်းငယ် စိုက်ပျိုးသည်။စက်မှုဇုန်များတွင် စက်ရုံ ၁၈၇ရုံ၊ အလုပ်ရုံ ၇၈၄ရုံ ရှိသည်။အိမ်တွင်းစက်မှုလုပ်ငန်း ၂၁၈ခုရှိသည်။[3]
ဈေးများ
- စက်မှု ၁
- တံခွန်တိုင်
- ချမ်းမြရွှေပြည်
- ပြည်ရန်ကျော်
- စက်မှု ၂
- ရတနာပုံ (စ)
- ရတနာပုံ (ဆ)
- ရန်အောင်
ပို့ဆောင်ဆက်သွယ်ရေး
မန္တလေးမြို့၏ အကြီးဆုံးကားကွင်းဖြစ်သည့် ချမ်းမြရွှေပြည် (ကျွဲဆည်ကန်)ကားကွင်း တည်ရှိသည်။ရန်ကုန်-မန္တလေးအမြန်လမ်း၏ မန္တလေးအဝင်မြို့နယ်ဖြစ်သည်။
ပညာရေး
အထက
အထက်တန်းကျောင်း ၃ကျောင်းရှိသည်။
- အထက ၂၇
- အထက ၃၂
- အထက (စရပ်ကွက်)
အထက (ခွဲ)/အလက
- အလက(ထ(ခွဲ)) ၂၀
- အလက (ထ(ခွဲ)) ၂၃
- အလက (ထ(ခွဲ)) ၂၄
- အလက ၅
- အလက ၂၅
- အလက ၂၉
အမက
မူလတန်း၊မူလွန်၊အလယ်တန်း(ခွဲ) ၁၇ကျောင်းရှိသည်။
ကျန်းမာရေး
ပြည်နယ်အတွင်း အစိုးရဒေသန္တရဆေးပေးခန်းနှင့် တိုင်းရင်ဆးခန်း ပုဂ္ဂလိကဆေးရုံများလည်းရှိသည်။
ကိုးကား
- Provisional Results Census 26 August 2014 FINAL (PDF)၊ ပြည်သူ့အင်အားဦးစီးဌာန၊ 26 August 2014၊ p. ၂၈၊ 12 September 2014 တွင် မူရင်း (PDF) အား မော်ကွန်းတင်ပြီး၊ February 10, 2015 တွင် ပြန်စစ်ပြီး
- Myanmar Area Codes။ 1 December 2009 တွင် မူရင်းအား မော်ကွန်းတင်ပြီး။ 9 February 2015 တွင် ပြန်စစ်ပြီး။
- ပြည်ကြီးတံခွန်မြို့နယ်၏ ဒေသဆိုင်ရာအချက်အလက်များ။ မန္တလေးတိုင်းဒေသကြီး အစိုးရအဖွဲ့ရုံး။
| မန္တလေးခရိုင် (၇) မြို့နယ် |  | |
|---|---|---|
| ပြင်ဦးလွင်ခရိုင် (၅) မြို့နယ် | ||
| ကျောက်ဆည်ခရိုင် (၄) မြို့နယ် | ||
| မြင်းခြံခရိုင် (၄) မြို့နယ် | ||
| ညောင်ဦးခရိုင် (၂) မြို့နယ် | ||
| ရမည်းသင်းခရိုင် (၂) မြို့နယ် | ||
| မိတ္ထီလာခရိုင် (၄) မြို့နယ် | ||
| မြို့များ |
| |
