မဟာအောင်မြေမြို့နယ်

မဟာအောင်မြေမြို့နယ် သည် မန္တလေးမြို့လယ်၏ တောင်ဖက်ပိုင်းတွင် တည်ရှိပြီး လူနေထူထပ်သည့် မြို့နယ်တစ်ခုဖြစ်သည်။ အနောက်ဖက်တွင် ဧရာဝတီမြစ်၊ တောင်ဖက်တွင် ချမ်းမြသာစည်မြို့နယ်၊ မြောက်ဖက်တွင် ချမ်းအေးသာဇံမြို့နယ် တို့က ဝန်းရံလျက်ရှိသည်။ မန္တလေးတက္ကသိုလ်သည် ဤမဟာအောင်မြေမြို့နယ်တွင် တည်ရှိသည်။၂၀၁၄တွင် လူဦးရေ ၂၄၁,၁၁၃ ရှိသည်။[3]

မဟာအောင်မြေမြို့နယ်
မန္တလေးမြို့၏ မြို့နယ်
Maha Aungmye Township

မန္တ​လေးခရိုင်အတွင်း တည်​နေရာ
မဟာအောင်မြေမြို့နယ်
မန္တ​လေးခရိုင်အတွင်း တည်​နေရာ
ကိုဩဒိနိတ်: 21°57′0″N 96°5′0″E
နိုင်ငံ မြန်မာ
တိုင်းဒေသကြီးမန္တလေး
ခရိုင်မန္တလေး
မြို့မန္တလေးမြို့
လူဦးရေ (၂၀၁၄)
  စုစုပေါင်း၂၄၁,၁၁၃ [1]
အချိန်ဇုန်မြန်မာစံတော်ချိန် (UTC+6:30)
ဧရိယာကုဒ်(များ)၀၂ (မိုဘိုင်းလ်: ၆၉၊ ၉၀)[2]

သမိုင်း​ကြောင်း

၁၉၆၂ခုနှစ် ​မေလ၉ရက်​နေ့မှစ၍ ဗဟို၊တိုင်း၊ခရိုင်၊မြို့နယ်နှင့် ရပ်ကွက် လုံခြုံ​ရေးနှင့်အုပ်ချုပ်​ရေး​ကော်မတီများ အဆင့်ဆင့်ဖွဲ့စည်းခဲ့ပြီး ဤမြို့နယ်ကို အမှတ်(၃)နယ်​မြေအဖြစ် သတ်မှတ်ခဲ့သည်။၂၉.၆.၁၉၆၈တွင် မန္တ​လေးမြို့၏ ဖွဲ့စည်းပုံ​ပြောင်းလဲမှုအရ အ​ရှေ့​​တောင်မြို့နယ်အဖြစ် အမည်​ပြောင်းလဲခဲ့သည်။၁၉၉၂ခုနှစ် ဖွဲ့စည်းပုံ​ပြောင်းလဲမှုတွင် မဟာ​အောင်​မြေမြို့နယ်ဖြစ်လာခဲ့သည်။[4]

ပထဝီဝင်အ​နေအထား

​​မြောက်လတ္တီတွဒ် ၂၁ဒီဂရီ ၅၇မိနစ်နှင့် ၂၁ဒီဂရီ ၅၈မိနစ် အကြား၊ အ​ရှေ့​လောင်ဂျီတွဒ် ၉၆ဒီဂရီ ၀၃မိနစ်နှင့် ၉၆ဒီဂရီ ၀၄မိနစ်အကြားတွင် တည်ရှိသည်။ အ​ရှေ့မှ အ​နောက်သို့ ၅.၄မိုင်၊ ​တောင်မှ​မြောက်သို့ ၁.၆မိုင်ရှိပြီး ၅.၇၂စတုရန်းမိုင် ကျယ်ဝန်းသည်။[4]

နယ်နိမိတ်

မဟာ​အောင်​မြေမြို့နယ်၏ အ​ရှေ့ဘက်တွင် ပုသိမ်ကြီးမြို့နယ်၊​တောင်ဘက်တွင် ချမ်းမြသာစည်မြို့နယ်၊​အ​နောက်ဘက်တွင် ဧရာဝတီမြစ်ခြားကာ စစ်ကိုင်းမြို့နယ်နှင့် ​မြောက်ဘက်တွင် ချမ်း​အေးသာစံမြို့နယ်တို့ တည်ရှိသည်။

​မြေမျက်နှာသွင်ပြင်

ပင်လယ်​ရေ​မြေနှာပြင်အထက် ပျမ်းမျှ၂၅၀ပေအထက်တွင်တည်ရှိကာ ​​မြေပြန့်လွင်ပြင်သည်။မြို့နယ်၏ အ​နောက်ဘက်တွင် ဧရာဝတီမြစ်က ​မြောက်မှ ​တောင်သို့ စီးဆင်း​နေသည်။ မြို့နယ်အတွင်းတွင် မဟာနဒီ​ချောင်း၊​ရေနီ​မြောင်း၊ရွှေတ​ချောင်း၊​ငွေတ​ချောင်း၊သင်္ဂဇာချောင်းတို့မှ ​မြောက်မှ​တောင်သို့ စီးဆင်း​နေကာ ကိုလံဘို​ချောင်းမှာ အ​ရှေ့မှ အ​နောက်သို့ စီးဆင်း​နေသည်။

လူဦး​ရေ

မဟာအောင်မြေမြို့နယ်တွင်​နေထိုင်ကြ​သော တိုင်းရင်းသားလူမျိုးစုများတွင် ဗမာလူမျိုးများ အများဆုံး​နေထိုင်ကြသည်။ထို့​နောက် ရှမ်း၊ကချင်၊ရခိုင်၊ကရင်၊ချင်း၊မွန်၊ကယား လူမျိုးများ အစဉ်လိုက်များပြားစွာ​နေကြသည်။ကိုးကွယ်မှုအ​နေဖြင့် ဗုဒ္ဓဘာသာကို အများဆုံး ကိုးကွယ်ကာ အစ္စလာမ်၊ဟိန္ဒူ၊ခရစ်ယာန် ကိုးကွယ်သူဦး​ရေမှာ အစဉ်လိုက်များပြားသည်။မြို့နယ်လူဦး​ရေ၏ ၀.၀၉၉%မှာ အခြား​သော နိုင်ငံခြားလူမျိုးနွယ်ဝင်များဖြစ်သည့် တရုတ်၊အိန္ဒိယ၊ပါကစ္စတန် စသည့်လူမျိုးများဖြစ်သည်။

သမိုင်းတစ်လျှောက် လူဦးရေများ
ခုနှစ်လူဦးရေ±%
၂၀၁၆၁၈၉၈၃၄    
၂၀၁၇၁၉၀၃၆၅+0.3%
[4]

စီးပွား​ရေး

မန္တ​လေးမြို့သည် စီးပွား​ရေးအချက်အချာကျ​သော ​နေရာဖြစ်သည့် အား​လျော်စွာ မြို့နယ်များသည်လည်း စီးပွား​ရေးဖွံ့ဖြိုးသည်။​ထို့အပြင် မဟာ​အောင်​မြေမြို့နယ်မှာ မန္တ​လေးမြို့၏ မြို့လယ်​ခေါင်ကျ​သောမြို့နယ်ဖြစ်ကာ မြို့နယ်အတွင်း​နေထိုင်သူများသည် အများအားဖြင့် ပြည်သူ့ဝန်​ဆောင်မှုလုပ်ငန်းကို လုပ်ကိုင်ကြသည်။ရွှေဆိုင်းလုပ်ငန်းနှင့် ဖိနပ်လုပ်ငန်းမှာ မြို့နယ်၏ ထင်ရှားလှ​သော လုပ်ငန်းများဖြစ်သည်။နိုင်ငံ​တော်ပိုင် ရတနာပုံသင်္ဘောကျင်းနှင့် ဖ​ယောင်းတိုင်စက်ရုံတို့ တည်ရှိသည်။[4]

​ဈေးများ

  • မန်းမြို့​ဈေး
  • ဘုရားကြီး​ဈေး
  • မန်းရတနာ​ဈေး
  • စိန်ပန်း​ဈေး
  • မဟာမြိုင်​ဈေး
  • ​ညောင်ပင်​လေး​ဈေး
  • ၄၁လမ်း ကုန်စိမ်းည​ဈေး
  • ၄၂လမ်း ကုန်း​ကျော်​ဈေး

ပို့​ဆောင်ဆက်သွယ်​ရေး

မဟာ​အောင်​မြေမြို့နယ်၏ အ​နောက်ဘက်အဆုံးတွင် သမိုင်းဝင်​ဂေါဝိန်ဆိပ်ကမ်းတည်ရှိသည်။ထို​နေရာမှ ဗန်း​​​မော်၊ကသာ၊​ညောင်ဦးနှင့် ပြည်မြို့များသို့ ​ရေ​ကြောင်းခရီးများရှိသည်။ပြည်ကြီးမြတ်ရှင်ကားကြီးကွင်မှ​နေ၍ မန္တ​လေးမြို့မှ ရှမ်းပြည်နယ်​မြောက်ပိုင်းမြို့များဖြစ်သည့် သီ​ပေါ၊​ကျောက်မဲ၊လားရှိုး၊မူဆယ် စသည်တို့သို့ သွားနိုင်သည်။

ပညာ​ရေး

အဆင့်မြင့်ပညာ

အထက်မြန်မာပြည်၏ အကြီးဆုံးဖြစ်​သော မန္တ​လေးတက္ကသိုလ် တည်ရှိသည်။

အထက

အထက်တန်း​ကျောင်း ၃​ကျောင်းရှိသည်။

  • အထက ၃
  • အထက ၁၃
  • အထက ၂၄

အထက(ခွဲ)/အလက

  • အလက (ထ(ခွဲ)) ၂
  • အလက (ထ(ခွဲ)) ၈
  • အလက (ထ(ခွဲ)) ၁၂
  • အလက ၂၈

အမက

မူလတန်း၊မူလွန်၊အလယ်တန်း(ခွဲ) ၃၇​ကျောင်းရှိသည်။

ကျန်းမာ​ရေး

​ဆေးရုံများ

  • တက္ကသိုလ်​ဆေးရုံ

ထင်ရှား​သောနေရာများ

ဘာသာ​ရေး

  • ​ပေါ်​တော်မူဘုရား (၅)ဆူ
  • မဟာမြိုင်​ကျောင်းတိုက်
  • မြ​တောင်​ကျောင်းတိုက်
  • ဒဟတ္တော​ကျောင်းတိုက်
  • မဟာဝိသုဒ္ဓါရုံ​ကျောင်းတိုက်
  • မစိုးရိမ်​ကျောင်းတိုက်
  • ဗန်း​မော်​ကျောင်းတိုက်
  • မစိုးရိမ်တိုက်သစ်
  • ဒုတိယရွှေအင်ပင်​ကျောင်း
  • ကင်းဝန်မင်းကြီး​ကျောင်းတိုက်
  • ခရစ်ယာန်​ဘုရားကျောင်း (မဟာမြိုင်၂)

ပညာ​ရေး

ကိုးကား

  1. Provisional Results Census 26 August 2014 FINAL (PDF)၊ ပြည်သူ့အင်အားဦးစီးဌာန၊ 26 August 2014၊ p. ၂၈၊ 12 September 2014 တွင် မူရင်း (PDF) အား မော်ကွန်းတင်ပြီးFebruary 24, 2015 တွင် ပြန်စစ်ပြီး
  2. Myanmar Area Codes 1 December 2009 တွင် မူရင်းအား မော်ကွန်းတင်ပြီး။ 24 February 2015 တွင် ပြန်စစ်ပြီး။
  3. သန်းခေါင်စာရင်း အစီရင်ခံစာ။ ၂၀၁၄ ခုနှစ် မြန်မာနိုင်ငံလူဦးရေနှင့် အိမ်အကြောင်းအရာသန်းခေါင်စာရင်း။ ။ လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန။ မေ ၂၀၁၅။ pp. ၅၈။
  4. ​မဟာ​အောင်​မြေမြို့နယ်၏ ​ဒေသဆိုင်ရာအချက်အလက်များ မန္တလေးတိုင်းဒေသကြီး အစိုးရအဖွဲ့ရုံး။
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.