မဟာဂန္ဓာရုံကျောင်း
မဟာဂန္ဓာရုံကျောင်းသည် မန္တလေးတိုင်းဒေသကြီး၊ မန္တလေးမြို့တောင်ဘက် အမရပူရရှိ စာပေပရိယတ္တိတွင် အထူးထင်ရှားသော ကျောင်းတိုက်ကြီးတစ်ခု ဖြစ်သည်။ ၁၉၁၄-ခုနှစ်ခန့်က အမရပူရ၊ စစ်ကိုင်းစုရပ်မှ ဦးဘိုးသာက မူလတောရကျောင်း နေရာအား စတင်ရည်စူးခဲ့၍ ၁၉၁၈-ခုနှစ်ခန့်တွင် သားဖြစ်သူ ဦးစံဒွန်းက အကောင်အထည်ဖော် တည်ဆောက်ခဲ့သည်။ စစ်ကိုင်း မဟာဂန္ဓာရုံကျောင်းတိုက် ဆရာတော်က ကျောင်းတိုက်အမည်ပေးခဲ့သည်။ ပထမဆုံး ဆရာတော်မှာ သက်တော်ငယ်စဉ်ကပင် ပျံလွန်တော်မူသော အတိသုခ ဆရာတော်၊ အတီးစုရပ် ဦးသီလဝန္တ ဆရာတော်နှစ်ပါး၊ ထို့နောက် ဒုတိယကမ္ဘာစစ်အပြီးတွင် မဟာဂန္ဓာရုံဆရာတော်ဟု ထင်ရှားသည့် အရှင်ဇနကာဘိဝံသမှ စာပေပရိယတ်ကျောင်းကြီးကို စတင်ထူထောင်ခဲ့သည်။ အမရပူရ တောင်သမန်အင်း အနောက်မြောက်ဘက်တွင် တည်ရှိသည်။ [1]
မဟာဂန္ဓာရုံကျောင်း
ပြခန်း
နံနက်ခင်းအာရုဏ်ဆွမ်းလောင်းအပြီး တရားမနာမီ မေတ္တာပို့ကြစဉ်
မဟာဂန္ဓာရုံကျောင်းတိုက်အတွင်း အရုဏ်တက်ချိန်တွင် တွေ့ရစဉ်
ကိုးကား
- နေထွတ် ၏ မန္တလေးအဘိဓာန်(၁၉၉၉)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.