သူနာပြုတက္ကသိုလ်(ရန်ကုန်)

သူနာပြုတက္ကသိုလ် (ရန်ကုန်)သည် ၄နှစ်ကြာ သူနာပြုအတတ်ပညာကို သင်ကြားပေးသော တက္ကသိုလ်ဖြစ်ပြီး ရန်ကုန်မြို့ရှိ လမ်းမတော်မြို့နယ်တွင် တည်ရှိသည်။ သူနာပြုတက္ကသိုလ် (ရန်ကုန်)သည် မြန်မာနိုင်ငံရှိ သူနာပြုတက္ကသိုလ် ၃ခုအနက် တစ်ခုအပါအဝင်ဖြစ်သည်။ သူနာပြုတက္ကသိုလ် (ရန်ကုန်)တွင် သူနာပြုဘွဲ့လွန်အပြင် သွားဘက်ဆိုင်ရာ ဆေးပညာ၊ မျက်စိ၊နား၊နှာခေါင်း၊လည်ချောင်းဆိုင်ရာ ဆေးပညာ၊ စိတ်ကျန်းမာရေး၊ ကလေးကျန်းမာရေး၊ အထူးကြပ်မတ် ပြုစုစောင့်ရှောက်မှုနှင့် အရိုးရောဂါဆေးပညာဆိုင်ရာ ဒီပလိုမာများကိုလည်း သင်ကြားပေးသည်။ သူနာပြုတက္ကသိုလ် (ရန်ကုန်)သည် အလွန်စိစစ်ရွေးခြယ်သော တက္ကသိုလ်တစ်ခုဖြစ်ပြီး တစ်နှစ်လျှင် ကျောင်းသားကျောင်းသူ ၁၀၀ယောက်သာ လက်ခံသင်ကြားပေးသည်။

သူနာပြုတက္ကသိုလ်(ရန်ကုန်)
University of Nursing, Yangon

သူနာပြုတက္ကသိုလ်(ရန်ကုန်)၏ အမှတ်တံဆိပ်
တည်ထောင်ခုနှစ် ၁၉၈၆
ပါမောက္ခချုပ် ပါမောက္ခ ဒေါက်တာ မြတ်သန္တာ[1]
တည်နေရာ ၆၇၇-၇၀၉၊ ဗိုလ်ချုပ်အောင်ဆန်းလမ်း၊ လမ်းမတော်မြို့နယ်၊ ရန်ကုန်မြို့
အဖွဲ့အစည်း ကျန်းမာရေး ဝန်ကြီးဌာန
ဝဘ်ဆိုတ် uonygn.gov.mm
သူနာပြုတက္ကသိုလ် (ရန်ကုန်)

သမိုင်းကြောင်း

၁၉၈၆ခုနှစ်တွင် သူနာပြုသင်တန်းကျောင်းအဖြစ် စတင်ဖွင့်လှစ်ခဲ့ပြီး ၁၉၉၁ခုနှစ်တွင် တက္ကသိုလ်အဆင့်သို့ မြှင့်တင်ခဲ့သည်။ ၁၉၉၄ခုနှစ်တွင် ၄နှစ်ကြာ သူနာပြုဘွဲ့ကို သင်ကြားပေးသော မြန်မာနိုင်ငံရှိ ပထမဆုံး သူနာပြုတက္ကသိုလ်ဖြစ်ခဲ့သည်။


ဦးဆောင်မှု

ပါမောက္ခချုပ်များ
  1. ပါမောက္ခဒေါက်တာဒေါ်ဝင်းမေ (၁၉၉၁-၁၉၉၇)
  2. ပါမောက္ခဒေါက်တာဒေါ်မာလာမောင် (၁၉၉၇-၂၀၀၀)
  3. ပါမောက္ခဒေါက်တာဒေါ်မေဝင်းအောင်ခင် (၂၀၀၀-)[2]

အလားတူလင့်ခ်များ

ကိုးကား
  1. Rector and Administrative Personnel။ သူနာပြုတက္ကသိုလ်(ရန်ကုန်)။ ၂၀၁၄-၁၁-၁၂ တွင် ပြန်စစ်ပြီး။
  2. Who's Who in Health and Medicine in Myanmar: a biographical dictionary of men and women who have contributed to the development of health and medicine in Myanmar since independence (1948)။ ရန်ကုန်: Department of Health Planning, Ministry of Health, Myanmar။ ၂၀၀၃။ p. စာမျက်နှာ ၁၃။
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.